Қазақстанда электр энергиясын өндіру тарифтері көтеріледі
Ұсынылған тарифтер де 2024 және 2025 жылдарға есептелген.
Осылайша, 2023 жылдың 1 қазанынан бастап электр энергиясын өндіру тарифтері көтеріледі:
- бірінші топ (Б.Нұржанов атындағы Екібастұз ГРЭС-1) – кВт/сағ үшін 5,90 теңгеден 7,32 теңгеге дейін;
- үшінші топ (Екібастұз ГРЭС-2 станциясы) – кВт/сағ үшін 8,59 теңгеден 11,20 теңгеге дейін;
- алтыншы топ (Қарағанды энергетикалық орталығы) – кВт/сағ үшін 9,86 теңгеден 12,64 теңгеге дейін;
- тоғызыншы топ ("Астана-Энергия" АҚ) – кВт/сағ үшін 7,19 теңгеден 8,49 теңгеге дейін;
- 14-топ (Риддер ЖЭО) – кВт/сағ үшін 13,93 теңгеден 16,37 теңгеге дейін;
- 18-топ Степногор ЖЭО) – кВт/сағ үшін 12,12-ден 16,46 теңгеге дейін;
- 26-топ ("Алматы электр станциялары" ЖЭО-1,2,3 Қапшағай су электр стансасы, Каскад су электр станциясы) кВт/сағ 11,19-дан 14,02-ге дейін;
- 33-топ (Шүлбі СЭС-і) – кВт/сағ үшін 3,30-дан 3,67 теңгеге дейін;
- 41-топ (Таразэнергоорталық) – кВт/сағ 8,53-тен 12,15 теңгеге дейін.
Жалпы тізімге еліміздің аймақтары бойынша энергия өндіруші компаниялардың 50 тобы кіреді. Бұл ретте тарифтер тек 16 топта ғана өзгеріссіз қалады. Ұсынылған тарифтер де 2024 және 2025 жылдарға есептелген.
Энергетика министрлігінде түсіндіргендей, тарифтерді түзету энергия өндіруші тәуелсіз ұйымдардың электр энергиясын өндіруге жұмсалатын негізгі шығындарын, атап айтқанда, отын, еңбекақы және шикізат құнын арттырумен байланысты.
Орташа алғанда отын құрамдас бөлігінің, атап айтқанда тауарлық газдың құнының өсуі екі топ бойынша сәйкесінше 17,4% және 20,6% құрады.
Бұйрық 1 қарашада күшіне енеді деп күтілуде, бірақ тарифтер 2023 жылдың 1 қазанынан бастап өзгереді.
Құжат 31 қазанға дейін қоғамдық талқылау үшін "Ашық НҚА" сайтында орналастырылған. Мұнда басқа энергия өндіруші компаниялардың тарифтерінің қалай өзгеретінін көруге болады.
Қазақстанда электр қуатының дайындығын қолдау тарифі өсетіні бұған дейін хабарланған болатын.
Ал Қазақстан Республикасының Энергетика министрі Болат Ақшолақов жыл сайын өсіп келе жатқан негізгі генераторлық базалық станциялардың тозуына байланысты электр энергиясының тарифтері өзгеретінін хабарлады.
Сурет: Zakon.kz
